झापामा खेमराजको छुरा हानी हत्या

काठमाडौं । झापाको गौरीगञ्ज गाउँपालिका–६ बस्ने ३८ वर्षीय खेमराज पौडेलको हत्या भएको छ । पौडेल एक कपडा व्यवसायी थिए ।
पौडेलको शव बाह्रदसीस्थित विनोद यादवको खेत नजिकै रहेको नालामा फालिएको थियो । मृतक पौडेलको घाँटी र टाउकोमा छुरा प्रहार गरिएको प्रहरीले जनाएको छ । घटनास्थलमा उनको मे ७ प १९०४ नम्बरको मोटरसाइकल, मोबाइल फोन र व्याग फेला परेको छ । हत्यामा संलग्न भएको आशंकामा गौरीगञ्जका सद्धाम हुसेनलाई प्रहरीले पक्राउ गरेको छ ।

प्रहरीका अनुसार पौडेल र उनकी श्रीमती पसलको उधारो रकम उठाउन गौरीगञ्ज बजार पुगेका थिए । श्रीमतीलाई खाजा पसलमा छाडेर मे ७ प १९०४ नम्बरको मोटरसाइकलमा सद्धाम हुसेनलाई सँगै लिएर उधारो रकम उठाउन गएका थिए ।

पौडेल राति अबेरसम्म पनि नफर्किएपछि अपहरण परेको भनी पौडेलकी श्रीमतीले इलाका प्रहरी कार्यालय गौरीगञ्जमा जानकारी गराएको प्रहरीले बताए । अपहरणको सूचना पाएसँगै पौडलको रातभर खोजतलास गरिएको थियो । प्रहरीका अनुसार पौड्लको शव बिहान मात्र भेटिएको बताए । लेनदेनको विवादमा हुसेनले उनलाई छुरा प्रहार गरेको हुन सक्ने प्रहरीले आशंका गरेको छ ।

About Bharosa

Leave a Reply

Your email address will not be published. Required fields are marked *

*

x

Check Also

भत्काइयो अरनिको राजमार्ग साँगा–बनेपाको घरटहरा

काभ्रे । काभ्रेको साँगा–बनेपा सडकखण्डमा सोमबार अरनिको राजमार्गको दायाबाया मापदण्ड मिचेर बनाएका सयौं घरटहरा भत्काइएको ...

Translate »