भ्रष्टाचारको अभियोगमा मुद्धा दायर

काठमाडौँ । ट्रायल नै नदिई लाइसेन्स वितरण गर्ने बागमती अञ्चलको यातायात व्यवस्था कार्यालयका कर्मचारीलाई अख्तियार दुरुपयोग अनुसन्धान आयोगले अदालतमा मुद्दा दायर गरेको छ ।
कार, जीप र डेलिभरी भ्यान आदि सवारी चलाउनलाई लिखित अनुत्तीर्ण एवं प्रयोगात्मक परीक्षामा सामेल नभएकाहरुलाई समूह ‘बि’ को अनुमति पत्र जारी गरी भ्रष्टाचार गरेको भन्दै अभियोगमा १० जनालाई मुद्धा दायर गरेको हो ।
तत्कालीन यातायात व्यवस्था कार्यालय, सवारी चालक अनुमतिपत्र बागमति एकान्तकुना कार्यालयका प्रमुख तेजनारायण यादव, शाखा अधिकृतहरु ईश्वरराज रेग्मी, भूपराज दाहाल, शिवप्रसाद सुवेदी, विष्णुप्रसाद सुवेदी र मेकानिकल इञ्जिीनियर श्याम केसीले भ्रष्टाचार निवारण ऐन २०५९ को कसूर गरेकाले हदैसम्मको जरिवाना र कैद सजायको मागदाबी लिई आयोगले २०७४ माघ १ देखि फागुन २५ गतेसम्म गरेको अनुसन्धानबाट आरोपपत्र दायर गरिएको छ भने बाग्मती ठूलोभ¥याङका शाखा अधिकृत शालिग्राम पौडेल, कम्प्युटर अपरेटर विज्ञान खड्गी, यातायात व्यवस्था विभागका कम्प्युटर अपरेटर लक्ष्मण तिवारी, सवारी चालक अनुमतिपत्र बाग्मती एकान्तकुना कार्यालयका नायबसुब्बा लेखनाथ भुसालविरुद्ध पनि आयोगले मुद्धा दायर गरेको छ ।