जिप दुर्घटना हुँदा एकको मृत्यु, आठ घाइते

डडेल्धुरा । डडेल्धुराबाट गन्यापधुरा गाउँपालिकातर्फ जाँदै गरेको जिप दुर्घटनामा परेको छ । उक्त दुर्घटनामा १ जनाको मृत्यु भएको छ भने ८ जना घाइते भएका छन् ।
म१ज ३११ नम्बरको जिप गन्यापधुरा गाउँपालिका–२ मैलोडामा दुर्घटना भएको हो । उक्त दुर्घटनामा ४३ वर्षीया कुमारी देउवाको मृत्यु भएको छ भने ४७ वर्षीय कर्ण देउवा, ४० वर्षीय सरुदेवि देउवा, ३३ वर्षीय लोकेन्द्र देउवा, १४ वर्षीय विमला देउवा, ३० वर्षीय योगेन्द्र देउवा, ६ वर्षीय सुवास देउवा, ३५ वर्षीय देवबहादुर देउवा र ११ वर्षीय मनिषा देउवा घाइते भएको जिल्ला प्रहरी कार्यालय डडेल्धुराले जनाएको छ । त्यस्तै ४७ वर्षीय कर्ण र ६ वर्षीय सुवास गम्भीर घाइते भएको प्रहरीले जानकारी दिए ।