शंकास्पद अवस्थामा शव फेला

सिरहा । सिरहामा एक महिला र एक पुरुषको शव शंकास्पद अवस्थामा फेला परेको प्रहरीले जनाएको छ ।
लहानस्थित सार्वजनिक पोखरीमा पहिचान खुल्न नसकेको एक पुरुषको शव फेला परेको छ भने सिरहा नगरपालिका ६ स्थित कमला खोला किनारामा शंकास्पद अवस्थामा पहिचान खुल्न नसकेकी एक महिलाको शव फेला परेको प्रहरीले जनाएको छ ।
प्रहरीका अनुसार मझौला शरीर, दाह्री जुङ्गा पालेको, कालो कपाल, गहुँ गोरो वर्णको, ढाडको दाहिनेतर्फ ट्याटु खोपेको, हरियो सेतो कोठे हाफ सर्ट लगाएको अन्दाजी ३५ वर्षको पुरुष फेला परेको बताए ।
हालसम्म शवको पहिचान खुल्न नसकेको इलाका प्रहरी कार्यालय लहानले बताए । त्यस्तै कमला खोला किनारमा फेला परेको अन्दाजी २५ वर्षको देखिने कुर्ता सुरुवाल र स्वेटर लगाएकी उक्त महिलाको शव पहिचान नभएको जिल्ला प्रहरी कार्यालयले जानकारी दिए ।

About Bharosa

Leave a Reply

Your email address will not be published. Required fields are marked *

*

x

Check Also

झडपमा प्रहरीसहित तीन जना घाइते

धादिङ । सबैभन्दा ठूलो एकादशी जात्राको मेलामा गोरखा र धादिङका समूहबीच झडप भएको छ । ...