उपचारको क्रममा सुत्केरीको मृत्यु

धनगढी । सेती अञ्चल अस्पतालमा डाक्टरको लापरवाहीले गर्दा एक सुत्केरीको मृत्यु भएको छ ।
कञ्चनपुरको झलारी बस्ने २३ वर्षीया तुलसी धामीले सिजरिङबाट बच्चा जन्माएकी थिईन् । उनका श्रीमान्का अनुसार बच्चा जन्माएको करीब दुई घन्टापछि रक्तश्राव भएपछि अस्पतालको आईसियुमा भर्ना गरिएको थियो तर शनिबार अचानक मृत्यु भएको बताए । डाक्टरले बिरामीलाई समय नदिँदा मृत्यु भएको परिवारले आरोप लगाएका छन् । बिरामीको मृत्युको कारण जटिल रहेको अस्पतालले बताएको छ ।