नेपालगन्जलाई औद्योगिक करिडोरका रुपमा विकास गर्छाैंः मुख्यमन्त्री पोखरेल

नेपालगन्ज । प्रदेश ५ नेपालगन्जका मुख्यमन्त्री शंकर पोखरेलले पुननिर्मित रानी तलाउ बोटिङ विहारको उद्घाटन गरेको छ ।
उद्घाटनमा मन्त्री पोखरेलले नेपालगन्जलाई औद्योगिक करिडोरका रुपमा विकासको लागि एसियाली विकास बैंकसँग छलफल भएको बताउँदै भैरहवा–बुटवल जस्तै नेपालगन्ज–कोहलपुरलाई विकास गर्न सकिने बताए ।
निर्माणाधीन औद्योगिक क्षेत्रलाई एक हजार विगाहामा विस्तार गर्नुपर्ने र जग्गा अतिक्रमण गरेर बसेकाहरुलाई मुआब्जा नदिई स्वरोजगार हुने गरी औद्योगिक क्षेत्रमै व्यवस्थापन गर्ने बताए । निर्माणाधीन नौबस्ता औद्योगिक क्षेत्रको क्षेत्रफल भने अपर्याप्त भएको उनले बताए ।