Bharosa Media The Name You Can Trust
काठमाडौं । संस्था माइती नेपालले मनिपुर प्रहरी र इम्पल्स एनजिओ नेटवर्कको सहयोगमा भारतको मनिपुरबाट ३१ जना नेपाली महिलालाई उद्धार गरेको छ ।
इम्फालबाट म्यान्मार हुँदै गैरकानूनी रुपमा इराक र दुवई पु¥याउने भन्दै दलालहरुले योजना गरिरहँदा माइती नेपालको टोलीले उद्धार गरेको हो । माइती नेपालका अनुसार तीन दिन अघिबाट भारतबाट ३७ जना महिलाको सकुशल उद्धार गरिसकेको र दिल्ली महिला आयोग र रेस्क्यु फाउन्डेशनको सहयोगमा ६ जना महिलाको राजिव नगरबाट उद्धार गरिएको जनाएको छ ।
प्रहरीका अनुसार भारतको मनिपुरस्थित इम्फालबाट म्यानमार हुँदै नयाँ रुटबाट इराक र दुवईमा मानव तस्करी गर्ने गरेको बताएको छ । माइती नेपाललाई पहिचान नखुलेको इमेल मार्फत प्राप्त सूचनाको आधारमा गरिएको अनुसन्धान र थालिएको उद्धार कार्यले अन्ततः मानव तस्करीको गोप्य रुटको पर्दाफास गरेको जनाएको छ ।
