Bharosa Media The Name You Can Trust
चितवन, ३० मंसिर । पूर्वपश्चिम राजमार्ग अन्तर्गत पूर्वी चितवनकाे लाेथरमा बिहानकाे ७:३० बजेकाे समयमा जिल्ला प्रहरी कार्यालय चितवनले दिएकाे जानकारी अनुसार ना.५.ख.८७४३ न. काे ट्र्क र ना.६.ख.७९६७ नं काे ट्र्क एकआपसमा ठक्कर भई एक जनाकाे मृत्यु र ३ जना घाइते भएका छन् ।
मृत्यु हुनेमा ८७४३ नं. काे ट्र्कका चालक हेटाैंडा उपमहानगरपालिका-१४ का २६ वर्षीय वीरबहादुर लाेप्चन रहेका छन् । उहाँकाे मृत्यु उपचारकाे क्रममा बिहान ८ः२५ बजे पुरानाे मेडिकल कलेजमा भएकाे हाे भने साेही ट्र्कका सहचालक बागमती गाँउपालिका-१ मकवानपुरका २० वर्षीय साेमबहादुर थिङ, ७९६७ नं काे ट्र्कका चालक कन्काई नगरपालिका-१ झापाका ४० वर्षीय अर्जुन जाेगी र साेही ट्र्कका सहचालक माेरङ निवासी २० वर्षीय प्रज्वल देवानकाे पुरानाे कलेजमा उपचार भइरहेकाे प्रहरीले जनाएकाे छ ।
