स्कुटरलाई पछाडिबाट बसले ठक्कर दिदाँ स्कुटर चालकको मृत्यु

काठमाडाैं । बिहिबार राति साढे छ बजे मोरङको सुन्दर हरैचा नगरपालिका १० का ४१ वर्षीय बुद्धिराम राईको सवारी दुर्घटनामा परी मृत्यु भएको छ ।

पश्चिमबाट पुर्वतर्फ जाँदै गरेको ३९ प ७६०७ नम्बरको स्कुटरलाई सोही दिशाबाट जाँदै गरेको १ ख ३२०२ नम्बरको बसले पछाडीबाट ठक्कर दिदाँ दुर्घटना भएको जानकारी दिएको छ ।

धरानको वीपी कोइराला स्वास्थ्य विज्ञान प्रतिष्ठान धरानमा घाइते बुद्धिराम राईको उपचारको क्रममा मृत्यु भएको हो । बस र बस चालकलाई प्रहरीले नियन्त्रणमा लिएको छ ।