Bharosa Media The Name You Can Trust
काठमाडाैं । त्रिभुवन विमानस्थल अध्यागमन कार्यालयले ६ दिन (फागुन २७ गते देखि चैत ३ गते) सम्ममा ३६ विदेशीलाई नेपाल प्रवेशमा रोक लगाएको छ ।
स्वास्थ्य प्रमाणपत्र नल्याई प्रवेश गर्न खोजेकोले ती ३६ विदेशीलाई प्रवेशमा रोक लगाइएको अध्यागमनले जानकारी दिएका छन् ।
कोरोना भाइरस रोकथाम तथा नियन्त्रणका लागि अध्यागमनले स्वास्थ्य प्रमाणपत्र नल्याएका विदेशीलाई फर्काउने निर्णय लिएको थियो । कोरोना भाइरस रोकथाम तथा नियन्त्रणका लागि यसअघि नै गृह मन्त्रालयले अनअराइभल भिसा दिने प्रकिया स्थगित गरिसकेको थियो ।
