Bharosa Media The Name You Can Trust
काठमाडाैं । कोरोना भाइरसको संक्रमणले विश्वभर महामारीको रुप लिन थालेपछि राजधानी उपत्यकाबाट सर्वसाधारण बाहिरिने क्रम बढेको छ । चार दिनमा साढे ३ लाख मानिस काठमाडाैंबाट बाहिरिएको बताइएको छ ।
राजधानी छाडी बाहिरिने सर्वसाधारणको क्रम बढे लगात्तै सर्वसाधारणसँग ठगी गर्नेहरुको पनि संख्या बढेको छ । काठमाडाैं उपत्यकाबाट बहिरिने यात्रुसँग तोकिएको भन्दा बढी भाडा लिने २३ जनालाई प्रहरीले पक्राउ गरेका छन् ।
काठमाडाैंको बल्खु र कलंकीबाट उपत्यका बाहिर जाने यात्रुहरुसँग तोकिएको भन्दा बढी भाडा लिइरहेको सूचनाको आधारमा प्रहरीले उनीहरुलाई शुक्रबार पक्राउ गरेको हो ।
