गाँजा तस्करीमा संलग्न मेयर र नेकपा नेता पक्रन प्रकाउ पुर्जी जारी

काठमाडाैं । गत माघ ११ गते डुमरिया स्वास्थ्य चाैकीको सरकारी एम्बुलेन्समा तीनवटा झोलाभित्र गाँजासहित तीन जनालाई प्रहरीले पक्राउ गरेको थियो । पक्राउ पर्नेमा चालक ईशनाथ नपा डुमरियाका ३९ वर्षीय महम्मद खलिद, सोही ठाँउका १९ वर्षीय अशोक कुमार र भारत बिहारको २२ वर्षीय विनोद सहनी रहेका थिए ।

पक्राउ परेका भारतीय नागरिक विनोद सहनीको बयानको आधारमा जिल्लाको दक्षिणीभेग ईशनाथ नगरपालिकाका मेयर सन्तोष मेहता र उनका भाइ तथा नेकपा नगर कमिटी प्रमुख मोहन मेहतालाई जिल्ला अदालतले उपस्थित गराउन आदेश जारी गरेको थियो । अदालतको आदेशअनुसार दुवैजनाको प्रहरीले खोजी सुरु गरेको बताइएको छ ।

तर उक्त अभियोग पक्राउ हुनु अघि नै पक्राउ पुर्जी सार्वजनिक भएको छ । पक्राउ पुर्जी प्रहरी भित्रकै कसैले सार्वजनिक गरेको हुन सक्ने आशंका गरिएको छ ।