Bharosa Media The Name You Can Trust
काठमाडाैं । स्वास्थ्य मन्त्रालयले सोमबार थप १३ जनामा कोरोनाभाइरस संक्रमण पुष्टि गरेको छ।
स्वास्थ्य मन्त्रालयका सहायक प्रवक्ता समीर कुमार अधिकारीले विज्ञप्ति जारी गर्दै थप १३ जनामा कोरोना संक्रमण पुष्टि भएको जनाएका हुन।
सहप्रवक्ता डा अधिकारीका अनुसार प्रादेशिक जनस्वास्थ्य प्रयोगशाला रुपन्देहीमा गरिएको परिक्षणमा थप १३ जनामा कोरोना संक्रमण पुष्टि भएको छ।
संक्रमितमध्ये पाल्पाका २, नवलपरासीका १, गुल्मीका १, कपिलवस्तुका ७ र रुपन्देहीका २ जनामा कोरोना संक्रमण पुष्टि भएको हो।
यसअघि आजै नियमित लाइभ अपडेटमा स्वास्थ्य मन्त्रालयले थप २ सय २६ जनामा कोरोना संक्रमण पुष्टि भएको जानकारी दिइएको थियो।
योसँगै नेपालमा कोरोना संक्रमण पुष्टि हुनेको संख्या १,८९९ पुगेको छ।
